मङ्गलबार, ०६ चैत २०७४, १३ : ३०

माननीय गगन थापा द्वारा नारायण घिमिरेको ‘नेपाली रैथाने जडीबुटी’ पुस्तक विमोचन।

डेढ दशकदेखि क्यानडामा खाद्य तथा औषधि विज्ञका रूपमा कार्यरत नारायण घिमिरेद्वारा लिखित ‘नेपाली रैथाने जडीबुटी’ पुस्तक काठमाडौँमा एक विशेष समारोह बिच सार्वजनिक भएको छ । कार्यक्रममा नेपाली काँग्रेसका महामन्त्री एवं पूर्व स्वास्थ्यमन्त्री गगनकुमार थापा, पुस्तकको प्रकाशक शिखा बुक्सका पुष्पराज पौडेल, विश्लेषक आमोद पोख्रेल, समीक्षक राजकुमार बानिया र शङ्कर तिवारीले संयुक्त रूपमा उक्त पुस्तकको विमोचन गरेका थिए ।

पुस्तकमा तीतेपाती, धुर्सेली, खिर्रो, रुद्राक्ष, कुश, टिमुर, दूबो, मोरिङ्गा, सिमललगायत औषधीय गुणले भरिपूर्ण जडीबुटीले मानव स्वास्थ्यमा पार्ने सकारात्मक प्रभावका बारेमा उल्लेख गरिएको छ । पुस्तकको विमोचन गर्दै पूर्वमन्त्री थापाले प्रचुर सम्भावना भएको जडीबुटीको निर्यात गरेर व्यापार घाटा न्यूनीकरण गर्न सकिने बताए ।

जनस्वास्थ्य अनुसन्धानकर्ता आमोद पोखरेलले पुस्तकले रैथाने जडीबुटीका बारेमा खँदिलो जानकारी दिएको बताए । नेपालमा प्राप्त औषधीजन्य जडीबुटीको ‘क्लिनिकल ट्रायल’ गर्न सके नेपालले ठुलो आर्थिक लाभ लिन सक्ने उनको भनाइ थियो ।

 

पुस्तकका लेखक घिमिरेले नेपालको जडीबुटीलाई नेपालमै अनुसन्धान गरेर यही खपत गर्ने नीति लिनुपर्ने र नेपाललाई खाद्य अनुसन्धानको केन्द्र बनाउनुपर्ने राय प्रकट गरे ।

तनहुँको बन्दिपुर गाउँपालिका वडा नं. ५ स्थित याम्पा फाँटमा जन्मिएका घिमिरे आयुर्वेदिक औषधिको साइड इफेक्टरहित गुण र एलोपेथिक ओखतीको तत्काल उपचार गर्ने क्षमता पुनः संयोजन गरी चुस्त हर्बल ओखती विकास विषयको शोधकर्तासमेत हुन् ।

वैज्ञानिक र प्रयोगात्मक विकासको अनुसन्धानमार्फत हर्बलको खाद्य र औषधीय गुणको संयोजन गरी हिलिङ फुड निर्माणमा उनले विज्ञता प्राप्त गरेका छन् ।

घिमिरेको गाँजा, हर्बल र ‘हिलिङ फुड’को प्रभावसम्बन्धी विभिन्न अनुसन्धानात्मक शोध प्रकाशित छन् ।

माननीय गगन थापाले बिमोचन गर्नुभएको नारायण घिमिरेको नेपाली रैथाने जडिबुटी पुस्तक लोकार्पण कार्यक्रमको भिडियोको पूर्ण भाग।

Video source: Creative Media

0Shares

WRITE COMMENTS FOR THIS ARTICLE

%d bloggers like this: